kava dieback disease hemi wan serious kava vaeres long vanuatu mo raon long wol

COMMON NEM; Kava Dieback

SCIENTIFIC NEM; Cucumber Mosaic Virus (CMV)

DISTRIBUTION BLONG DISEASE: Raon long wol, mo long Pacific hemi kat long Cook Islands, Tahiti, Fiji, Palau, Samoa, Tonga mo yumi long Vanuatu.

OL FRENS BLONG DISEASE: Hemi wan vaeres we i kat plante fren blem olsem pumpkin, banana, watermelon, capsicum, tobacco, passion fruit, peanuts mo ol nara legumes blong yumi olsem snake beans mo plante moa.

OL SYMPTOMS MO LAEF CYCLE: Ol fes saen hemi yellow or waet spots long ol yang leafs. Hemia oli singaotem mosaic symptom mo hemi mekem leaf hemi deform moa no save grow gud.

Image 1. Early symptom blong Dieback Kava disease long ol young kava leaves

Spos yu katem aot stem blong kava wetem ol yellow or waet spot leafs ia, bai yu luk ol brown lines olsem ol smol smol holes insaed long ol stem. Hemia hemi stat blong mekem stem ia i kam blak, sopsop moa roten insaed.

Image 2. Symptoms of dieback Kava Stem

HOW NAO IA HEMI SPREAD; I kat two weis we vaeres ia hemi save spread lem;

  • Wan hemi ol smol smol betbet nem blong olgeta hemi Alphids (Image 3) taem oli kakai ol plants we i infected finis oli end up blong passem i ko long ol nara plants wetem ol parts blong maot blong olgeta.
  • Moa tu, spos yu breedem bakeken ol mama stem blong kava we hemi bin kasem vaeres ia bai hemi save spreadem disease ia bakeken long ol new kava growths.

WANEM NAO IMPACT BLEM? Hemia hemi wan serious disease long kantri blong yumi mo hemi kat wan high kava-loss reputaesen finis long ol nara kantris raon long yumi finis.

WANEM YUMI MAS MEKEM? Hemi impoten blong yumi mas stap inspectem gud oltaem kava planteisen blong yumi mo lukaot from ol early symptoms olsem ol yellow mo waet yang leafs mo ol stem we i stat blong roten.

HOW NAO YUMI SAVE MANAGEM? CULTURAL CONTROL hemi wan wei nomo we i save managem die back.

OL STEPS BLONG FOLEM BIFO YU PLANT:

  • Planem kava kolosap long ol bigfala tree, kraon hemi mas rich mo fertile gud wetem ol organic matta from nomo se ol kava crops we hemi healthy oli kat moa chance blong resistem moafitem aot infection ia.
  • Yumi mas usum ol healthy planting materiels nomo! Tabu blong usum ol cuttings blong ol disease plants, no matta spos hemi luk healti i stap, hemi wan bigfala risk tumas spos yu tekem disisen ia. Yumi mas usum ol cuttings blong ol plantation we oli neva showem eni symptoms blong disease ia.
  • Mek sua se yu kat ol helti nursery cuttings oltaem mo checkem gud olgeta spos oli nokat eni saen blong disease ia bifo yu tekem olgeta i ko long bigfala planteisen. Mo tu no forgetem blong destroyem eni disease plants we yu save faenem.

OL STEPS BLONG FOLEM TAEM YU PLANT:

  • Hemi impotent blong yumi mas stap removem aot ol weed oltaem long planteisen blong yumi.
  • Folem tradisenel planting method blong yumi olsem planem ol nara crops weh hemi no fren blong dieback disease long medel blong wan wan kava roots blong yu. Sam long ol dieback resistant crops ia hemi: taro, cabbage, banana, manioc, lemon, pawpaw, sugarcane mo yam.
  • Taem yu prunem kava crops blong yu, mek sua se yu brekem stem antap long fes node, mo tabu blong yusum wan naef from naef hemi esi blong spreadem vaeres. Kolectem eni stem or leaf mo tekem aot lo planteisen mo afta yu berem or bonem long faea. Plis andastanem se pruning tecnic ia hemi wok gud wetem ol kava we i kat 1 yia i ko antap nomo, hemia we hemi yang tumas yu mas rootem aot nomo long karen mo replacem wetem wan niu helti cutting.

OL STEPS BLONG TEKEM AFTA HAFEST : Kolektem mo ponem ol leafs, stems mo ol pispis toti ol baot.

WANEM NAO SAMFALA KEMIKEL CONTROL: Kemikel control hemi nogud blong disease ia mo i nokat eni kemikel we save killem disease ia long ol infected kava plants blong yumi

Source:
http://www.pestnet.org/fact_sheets/kava_dieback_160.pdf

More Kava Content:

About the author: Irene
Tell us something about yourself.